朋友......txt

最近比較煩。
認識了廿一年的朋友，最後竟然因財失義......雖然我口中仍"小"他，但仍想他走回正路。
各兒時的友好都很擔心這朋友，很想幫助他，當然不是金錢上，因沒人願意把辛苦掙來的錢掉進無底深谷......
不知是不是屋村仔的關係，我身邊總會有人在不同的時段做著同一樣的事.......睹錢...嬴錢...大駛...輸錢...借兄弟錢...借朋友錢...借卡...被追數...爆煲...
結果如何，因人而異......
幸好，所見的例子大部份都是能改過的。

這次...卻很特別...
可能年紀漸大，對年小時的朋友特別珍惜，借錢時義無反顧......但後來發覺由借錢那一刻起，我一直都被騙被玩，中間的過程更覺做了傻仔...
原來借錢唔追...你會被債仔奉作神明，當你是當世最好的朋友。
原來債主被玩後追還錢...你會被說不近人情......

大哥...我沒幾百萬出頭
大哥...每次都是你說邊日邊日有的...仲要係你自已打電話來扮有責任自己話實有的，除了頭幾次， 之後我都無追你，咁即係你打來玩我啦......
大哥...我只想你有責任感咋...做事可分先後輕重...你有錢成日返深圳、又有錢去買LV送比老婆、又有錢係深圳買樓、又有錢係旺季報名去旅行交晒錢之後又唔去......你想我點？

大哥...你幾時至醒呀？

曾幾何時...我跟你在差不多的時候有相同的經歷，跌得很痛......相互扶持過......

好朋友......還是很想你腳踏實地，好好做人