平安夜

今晚平安夜沒安排節目
依然在為了PROJECT而對著電腦左想右諗

這天在整理「家人」的圖片
翻到友人女兒出生的照片
想起她出生的那一天

還記得當天收到兩個SMS

第一個
使我失控地不停流淚


第二個
友人通知女兒出世了

記得當晚
我己身在上海


很快...
09年也要完結了

日子還是一天天的過

“它”

自十月起 一直在籌劃一件事
原先只把“它”當成一椿生意
做下做下
慢慢發覺可能只得一次機會
又想做好D
點知攪下攪下 依家成3個月都只係完成左大概一半

這幾個月就只靠著一些雞毛蒜皮的FREELANCE頂住
仲有那吃力不討好的新聞攝影課
原來教書都真係唔容易

由十月起停工去實踐“它”開始計
原來每月都有外遊
10月北京
11月台灣
12月粵西連州
某程度都幫“它”做了一點點

無論如何
希望農曆年前可以攪掂
唔想新年都在忙......

走火入魔

過去一直不太喜歡反差太高的圖片
可能因為一直拍紀實圖片為主 對太過超現實的景象有點抗拒

近年攝影數碼化 從網上看到大量後製的圖片
從視覺上確是很容易討好人
但總覺得那些影像缺乏了靈魂似的
更像電腦合成畫作
我會用電影"無極"來作比喻

雖然人是真的 景是真的(也可電腦畫出來)
但加上大量後製 就變成夢一樣的感覺
又或氣勢宏大 要幾勁有幾勁

最近比較得閒
看了一本教PHOTOSHOP的書
試做了一張相

唉...
大部份的人都覺得執左比未執的好

最大鑊係
我都有少少動搖

死未..

又係時候停一停

如無意外
今日完成埋最後一單ASSIGNMENT
明天就告別飲飲食食的日子

今天整天下著大雨
同事又遲大到

無所事事在車站四處走
又影到D得意野

最近教學生如何組圖
想起以前每周的經圖集
那時雖然很辛苦
但起碼都算是自己一項少少的功績

震撼

http://www.youtube.com/watch?v=VfcguAmGewc

分10集

唔識直接LINK過去

超強力推介 千萬不要錯過

第一步
停買皮製用品

第二步
......
素食有點難...

或者慢慢減少

最後PARTY

牛下清拆前最後的大PARTY

在台上我覓理想

原來香港地都有一班唔係潮州人的人會係舊曆7月14攪另類PARTY
又真係引到一班鬼(仔同女)來睇 仲興起跳埋舞

我真係好鐘意係街行
久不久會撞到好多得意的人和事
有帶相機影埋相就更加可以開心一日

做人可以好簡單

好快 我可以去另覓理想了

潮州人的大節

年年舊曆7月總會見到各區球場變成潮州人的蒲點
老人家終於找到借口可以半夜才去睡覺
小朋友又可以肆無忌憚在球場跑跑跳跳 唔駛比人問係邊度
近年還增加了一大批龍友來助慶

總之就係熱鬧啦...




如無估錯 應該係牛下清拆前最後一次在這球場辦盂蘭勝會

祝福

古蹟

意大利南部小鎮

好多好多年前
村民為了逃避稅吏追稅
建了這些石片層層疊的屋
當收到消息稅吏快到時就把屋頂推塌
以瞞騙該屋為廢屋

今天這裡已列為世界文化遺跡

路

要走的路不知還有多遠

亦算不出走錯過多少路

今天以為走對了
明天又後悔錯過別處風光

想走 想走 真的很想出走

以前常對自己說不要做後悔的事
就算錯了 也試過 絕不後悔

現在勇氣變成零
走一步也怕跌倒
......




梵蒂岡聖彼得廣場

祈禱

某天我坐在這古教堂
祈望在這天主教國家會跟神更接近一點

默默問了幾個問題...

靜下來
想聽聽會否有答案

......

或者未有緣能聽到聖音
又或者神不會給我答案

雖然未能如願
記得臨離開前仍作了最後祝禱

......

嘩嘩嘩

意國小鎮風情

耶穌...光

化身娛記

小樽撞上港姐拍外景

現場起碼有30娛記

多我一個唔多

前排人地影合照都轉頭影返張靚女

影呀影 我都影返張SNAP先

假象

假的 假的 假的

我多年來見過小樽的圖片都唔係咁樣的

情書內的小樽又係浪漫到爆架

點解我黎到感覺唔到 一D都唔浪漫喎

回到酒店睇相時又覺呃得下人

究竟係攝影真係呃人

定係我當時跟本無心情去感受...

我賣身，不賣原則

關鍵位係
主角係人 背景係海

我滿心歡喜沒有擺拍情況下影到張好似海報的相(其實都係打龍之麻)

唔夠一分鐘
"喂 個海唔靚 唔好浪費時間"

我無出聲跟住走
其實之後完全係FREE TIME

我開始明白咩係"到此一遊"
同"體會"確係有分別

我同自己講唔再希罕了

我清楚我影的相好定唔好
我更應該有自主權決定自己影D咩相

我賣身，不賣原則

爆晒

去過很多年
今年真的是我眼見過最多的

目標

某日行經上環信德中心
幾個年青男女手執一本記事簿類似於問卷調查之事

其中一名年青(但不貌美)少女走過來
"先生 我地係城市大學的學生
呢度寫左我地未來十年的目標
希望你簽個名支持我地去實踐呢D目標"

我望一望有三項
1, 30歲前我要儲到300萬
2, 10年內我要達到月薪十萬, 讓父母退休環遊世界
3, .......(唔記得左, 但都係講要有幾多錢之類....)

我同呢個大概20歲的少女講
"下...我唔係好覺得目標係咩都要講錢喎"

"唔係呀 係導師要我地寫得具體D 我地先寫晒銀碼出來"

"咁有好多可以唔係用好多錢的目標架麻"

"先生 你支持下我簽個名丫..."(樣/聲同時作可憐狀)

"但我我真係唔覺得件事係咁喎 我真係唔支持喎..."

......

我想想
這少女的目標 我差不多40歲連一項都達唔到
但我卻在30-35歲間實踐了自己唔少的目標
都同錢無咩關係

28歲 (2000) 好彩做左攝影部主管
29歲 (2001) 好彩攞左第一個攝影比賽的冠軍 同年仲攞左好幾個獎 同年又同幾個同事聯合出版影集
30歲 (2002) 好彩攞左好多獎
31歲 (2003) 同友人合資做老闆 開攝影cafe
32歲 (2004) 回國內發展 睇埋設計部 同年係fcc又好彩攞左個全年最佳圖片獎
33歲 (2005) 出版個人影集 老家 自己一手一腳包辦整個生產過程 難得有錢賺捐比慈善團體 (補漏: 這年終於辦了首次的個人攝影展)
34歲 (2006) 公司上市 唔知好彩定係唔好彩分到option
35歲 (2007) 出版大型攝影集TEN YEARS AGO 終於上到PAGEONE "PHOTOGRAPHY"的書架 仲自已傾埋GOD 第一個香港人有書係GOD賣 (補漏: 這一年在北京地鐵辦了個人的針孔攝影展)

不過...36歲後好似後繼無力...

人生有幾多個十年
總算實踐左自己的一些目標

但...其實都有好多無做或做唔到...

20週年

夏天到

今年流的汗
比過去幾年的都多

好耐無試過大熱天時日日在街上走

汗流多了
人卻反肥壯了

因為不停食食食...
又或者不停飲飲飲...

總之就係飲食 飲食 再飲食

藝術品

新加坡街上一件藝術品

吸啜

你伸
我吸


(新加坡)

奇幻列車

豪華

這天我們沾上邊 過了一天豪華的生活
先在萬豪午飯
再到PP購物
然後再一家人操到貝沙灣豪宅

但我一點感覺也沒有

萬豪的午餐不好食
PP賣的野貴得沒價值
貝沙灣戶戶無敵大海景但正西斜 熱到抽筋

還是做返鄉下仔比較適合我


(my family)

又多一張

其實有時真係好講運氣

咁啱早收工
咁啱中間有空閒時間
又咁啱咁多座比我行到呢一層

本來都只係想影棄愛的圖
只帶了一支移軸鏡
見到咁攪野 唔影又唔得

最初都偷偷地影
慢慢就舉機影多幾張

果然比人話
不過 我影到就算羅
咪走人

又多一張自己鐘意的相

棄愛‧十

棄愛‧九

棄愛‧八

棄愛‧七

紀實

喜歡那種平實 簡單 無花巧

或者我為人老土 總喜愛懷舊

記得嗎
對面公公婆婆經營的魚肉翅
守在檔口的小狗 (大部份食客都喚牠小黑)
還有那背後的街市

那37 38 39座的地盤 今天原來己變了大型公園
上星期開幕 大大少少的街坊都興致勃勃

這就是紀實

用秀茂坪的變遷為我在牛頭角短暫的紀實作一印記

交代

還好
總算對自己有個交代

短短兩星期密集式巡樓
也拍下了一些自己喜歡的圖片

己不理會別人懂不懂欣賞
也不介意別人如何選取處理圖片

我只做我喜歡的事
拍我喜愛的圖片
走我要走的路

棄愛‧六

慚愧

前晚回了老家過夜
家中只得老爸老媽跟我

或者碰巧這兩星期新工作有點累
給他們一個錯誤的印象

他們以為我不習慣要從新往外跑日曬雨淋
以為我做細要受別人氣

其實除了很累外(整天背著大磚頭不停由16樓巡到地下 我相信就算是十年前的我也會一樣的累 或者可能年青會復原快一點而已吧)
以上的問題我都沒碰上 也沒放上心

在上班前 我己默默給自己許下承諾...


說回頭
兩老以為我很不開心很累

老爸先跟我說
你不要再做下去了 我先給你20萬生活費 等過些日子經濟好一點才再找一份跟之前差不多的工作

老媽接著說
也好 我也給你20萬吧 等你鬆動一些

我很清楚
他們絕對不是剩下很多
也不可能中了六合彩...

我慚愧得不懂回應
靜靜走回房間

......


請放心
我絕不是落難 也不是走投無路
亦不理旁人的眼光和誤解

對我來說
這段時間 我是用來充實自己 印證自己的
時間可長可短 隨心所欲

反過來說
什麼都不用想 或者是近年最輕鬆自在的日子





早上起來
食了老媽煮的超份量福麵

新一天就在飽足幸福下開始

棄愛‧五