牛下

真係好多人影
多到你唔信
直情變左景點

如果有人統計下 我估周六日應不少於1000拍友

其實好怕

有龍友同街坊講我部機係靚機 好貴
街坊叫我用部靚機幫佢影靚D...

我同街坊講我部機得一個好處
就係好很重
在走廊唔怕賊 可以當磚頭用

如果部機貴就可以影到好相
有錢人咪都可以做攝影師




話時話
做龍友有個好處
就係成日可以借D意約女影相

當初真係唔應該入行...

再來

重新再來

或者需要些時間適應

又或者需要想想一些大原則的問題

亦可能是人生哲學的問題

當然

不一定會有答案

......

十年一遇

數數手指
對上一次見工原來差不多是十年前的事

今天被問了幾個問題
印象最深的是
"你都唔細 其實你有咩目標或者理想"

對方一直奇怪我為何會屈就一份人工職位都跟之前相差很遠的工作

我說了很多門面的解釋
因為我發覺 原來唔係好多人明白
能將自己喜愛和嗜好融入工作是很難得的 何來屈就

別人都以為人生的目標是升職加薪...

生日

印象中
這是第一次家人跟我慶祝生日

這也碰巧妹的新居入伙
她也特意做了一個TIRAMISU呢

今日也奇怪地收到了不少SMS
往年不是4年一次2月29日外 基本上極少收到別人的祝賀

多謝大家

很開心很開心可以跟家人慶祝
別人可能覺得奇怪這有什麼出奇

但
活到37歲 這真的是第一次

雖然沒生日歌
也沒吹爉燭
亦沒有任何生日禮物
但已很足夠了

一家人齊齊整整就很足夠了

謝謝大家

人生如戲

以前屋邨的鄰里關係非常好
各家爸媽都要為口奔馳
小朋友都在走廊跑跑跳跳互相照顧

在7樓中跟我們最要好的是蕭姓一家
他們幾兄妹的年齡正好跟我家姊弟配上
哥跟哥玩 弟跟弟跑

成長後各自外出工作又屋村清拆而各散東西
十年不見
對上一次見面是數年前蕭家小弟結婚
雖說小弟 但已三十過外 比我大一年 兄弟中跟我最要好

又隔數年
再次見面地點己是殯儀館
蕭家世伯過身了...

在葬禮上碰見很多兒時的鄰里玩伴
各人都很"佬"
有些人要除眼鏡看文字(老花)
其實大家年紀相差也不過兩三年

少年時大家一起在走廊踢西瓜波
聯群結黨去打交
輪住睇龍虎門
走去秀明樓看著維港夜景吹水
等等

唔認老都唔得

事實上 近幾年出席葬禮確比去婚宴多

起伏

細妹新居快入伙
家姐正密謀換大屋
三哥更不用說 金融海潚下摩貨仍大賺


看見美輪美奐的新式屋苑 華麗的大堂 超級的會所
我都好想可以"安定"下來

其實我己經好討厭搬來搬去
跟不同的業主村民周旋亦見乏力

我真係好攰喇......


計計日子
緩衝了兩個月
正式停下來也快兩個月了
基本上
什麼也沒做過
廢過廢柴...

無誠勿擾

一日上左天堂
點知一日後又落左地獄
落到地獄後比人拆左個天梯
原本第日係可以行天梯上返天堂
而且仲可以上多幾重天添

我要同拆天梯的人搏殺
用2月內僅餘的幾天
全天候瘋狂拼命

無輪輸或贏
就讓我徹徹底底癲一次

各方友好請迴避
免誤殺無辜




過了2月
希望可以放下屠刀

或者一切可以變得更美

原(頁)意

某次外遊時訂好的計劃
大概陸陸續續做了兩年
原意是想為他們做一點點事
最近才發現
他們不一定想我做這些事
起碼 他們有人不一定喜歡或願意

我以工作時常被人誤解作為家人應該明白和必須接受為由
強迫別人接受我的不公平對待

想起以前做突發新聞時
部份行家不顧別人感受拼命的拍

......




或者 只有這樣自拍才不會影響別人

恭喜發財

大年初一晚在秀茂坪老家過夜
記憶中由紅磡起就再沒在秀茂坪睡過一夜
算起來應該有7 8年了

或者近幾年太養尊處優
木板床上無法睡得安穩
呆想著這段離家的日子

原來......

好累。





不知多久吃過老媽清晨煮的潮州粥

很暖很暖

年結

唔覺唔覺又一年

今年是本命年
犯太歲

據說來年會否極泰來

我都想

但據經驗
好多的流年運程都唔準。。。


年初在上海講過有一大師為同事算命
說什麼老闆將有20億身家等等

咪又係神棍一條...

我仲記得果時叫人買港股
大藍籌都好抵等等

今日匯控見56...